Ang Commission on Population and Development kon POPCOM-Caraga nagmugna sa mga plano ug stratehiya aron sa pagkab-ot sa mga nag-unang tumong ug tinguha sa Philippine Population Development Program (PPDP) alang sa 2021-2022 alayon sa nasudnong pangkalambuang plano ug programa ni Pangulong Rodrigo Roa Duterte.

Malampuson gipahigayon sa buhatan sa POPCOM ang 3-day workshop mahitungod sa Mid-Year Program Strategic Assessment and Planning 2021 kaniadtong Hulyo 14-16, 2021 sa Hotel Oazis, Butuan City. Gipaila kini ang Philippine Population Development Plan (PPDP) nga mao ang bag-ong ngalan subay sa Memorandum No. 2021-664 nga gi-isyu ni Usec. Juan Antonio A. Perez III, sumala sa Memorandum for the President 2021-460. Ang tumong niini mao ang epektibong paagi sa pagtubag sa mga nagkadaiyang isyu sa populasyon ug socioeconomic development. Ang mga polisiya ug programa niini kinahanglan nga adunay koordinar sa pagpatuman gikan sa rehiyonal ug lokal nga ahensya pinaagi sa lokal na kagamhanan.

Dugang pa, ang mid-year program strategic assessment and planning workshop gipresenta ang mga kalampusan sa kada Strategic Priority ug core functions nga makita ubos sa Strategic Program Implementation Review (SPIR). Tungod niini, masuta ang mga paw-ang, kalig-on, mga kahuyang, ug mga hulga sa pagpatuman sa programa. Gitan-aw usab ang mga kalampusan apil ang target ug mga galastuhan. Giplano usab ang mga kalihokan ug mga paagi aron matagaan solusyon ang mga paw-ang ug makab-ot ang 100% na kalampusan nga anaa sa Office Performance Commitment and Review (OPCR)/SPIR targets, ug makabuhat og plano sa mga kalihokan, apil ang work and financial plan (WFP).

Gipahigayon ang usa ka-hybrid workshop nga gitambongan sa mga population officers uban ang mga program assistants sa nagkalain-laing mga lungsod ug sa mga probinsya sa rehiyon. Diin adunay sa online ug pisikal nga mitambong sa lugar. Gibuhat ang kalihokan aron mapalambo ug mapalig-on ang paghiusa sa 2021 population management thrusts. Giusab ang mga kasamtangang programa ug pamaagi aron mapahingusgan ang kapasidad sa matag pamilya taliwala sa nagpadayon nga mga hagit sa COVID-19.

Alang kang POPCOM Caraga Director Alexander A. Makinano, pinaagi sa gipahigayon nga workshop, ang PPDP magpalig-on ug mapakusgon ang mga population development programs pinaagi sa institutionalization ug localization ngadto sa lokal mga nga komunidad.