Ang Commission on Population and Development – Caraga nagpagawas sa reimbursements sa mga Barangay Population Workers and Volunteers sa managlaing probinsya ug syudad sa Caraga human napaabot nila ang programa sa ahensya ngadto sa mga kabatan-unan, ginikanan ug magtutudlo.

Ang mga musunod nga mga probinsya ang maong makadawat sa reimbursement katugbang ang bulan sa ilang gipahigayong profiling and enumeration alang sa Adolescent Health and Development Program.

3,884 pesos sa probinsya sa Surigao del Sur ngadtong bulan sa Marso, 7,236 sa probinsya sa Surigao del Norte ug 6,438 pesos sa Probinsya sa Dinagat Islands kaniadtong buwan sa Abril, 14,927 pesos alang sa probinsya sa Agusan del Norte kaniadtong buwan sa Mayo, 2,280 pesos sa probinsya sa Surigao del Norte, ug 10,035 pesos sa probinsya sa Surigao del Sur kaniadtong bulan sa Agosto, ug 2,130 pesos sa Probinsya sa Dinagat Islands alang sa buwan sa Disyembre.

Samtang, ang mga musunod nga syudad ang maong makadawat sa ilahang reimbursement human sa pagpakaylap sa program sa ahensya kaniadto tuig 2020.

1,035 pesos sa Bislig alang sa buwan sa Pebrero, 1,487 pesos sa Tandag alang sa buwan sa Marso, 4,125 pesos sa Bislig alang sa buwan sa Mayo, 1,230 pesos sa Tandag alang buwan sa hunyo, 21,120 pesos sa Tandag alanag sa buwan sa hulyo, 16,515 pesos sa Tandag alang sa buwan sa Septembre, 4,220 pesos sa Tandag alang sa buwan sa Nobyembre ug 5,390 pesos sa Tandag alang sa buwan sa Disyembre.

Ang maong reimbursement, lakang sa Ahensya aron mahatagan ug supporta ang mga population offices sa manag laing munisipyo, syudad ug probinsya human sa ilang gihimong pagpaningkamot aron maabot ngadto sa lokal nga komunidad ang programa.

Gisigurado usab ni POPCOM Caraga Regional Director, Alexander Makinano nga pahugtan sa Ahensya ang inisyatibo niini kauban ang supporta sa lokal nga kagamhan aron mapalapdan ang programa alang sa maayong panglawas, pag-uswag ug gahom sa mga kabatan-unan ngadto sa mga komunidad.