Ang Commission on Population and Development Caraga kauban ang Sibog Katawhan Alang sa Paglambo (SIKAP, Inc.) naglunsad ug system para sa pagplano sa pamilya sa Buenavista.

Sa uwahing bahin sa tuig 2019, ang SIKAP, Inc., kasanga sa POPCOM Caraga sa pagpangalagad sa mga Karaganon nagtanyag ug proyekto: “Performance Accountability Oriented Engagement of Communities and LGUs for a healthy Buenavista.”

Ang pokus sa maong programa mao ang pagkab-ot sa zero tolerance sa Gender-based violence ug kahimsog nga panglawas sa mga sanggol. Ang stratehiya sa sistema mao ang pagpasabot sa komunidad ug sa mga lokal na kagamhanan ang pagsugod sa Performance Accountability System.

Ang Performance Accountability System (PAS) usa ka galamiton sa lokal na kagamhanan sa makahihilap na paguswag sa health conditions sa komunidad. Ang PAS nagtinguha arun masugdan ang usa ka functional system sa tagsa-tagsa ka mga barangay sa Buenavista arun pagkunhod sa unmet needs, pagsugod sa pagatiman ug pagtahod sa kalalakin-an, kababaen-han ug mga bata sa pagpaminus sa Gender-based violence.

Matud pa ni Mayor Norbert B. Pagaspas nga kinasing-kasing iyang pagsugat ug pagpasalamat sa proposal sa SIKAP.

Ang 3-day Orientation nahitabo kaniadtong Nobyembre 23-25, 2020 sa Ocean Bloom, sa Manapa, Buenavista, Agusan del Norte. Ang maong pasinati gitambongan sa mga barangay chairmen sa lain-laing Barangay sa Buenavista.

Matud pa ni Ms. Christine Ampon, Executive Director sa SIKAP, Inc gipili nila ang Buenavista tungod sa dakong suporta sa ilang lokal na kagamhanan, ikaduha ang munisipyo adunay taas nga kaiphan sa unmet needs ug dropouts sa paggamit sa modernong pagplano sa pamilya. Ug sa ulahing bahin, ang Buenavista adunay pinakataas nga VAWC cases sa entero Caraga Region.