Gipahingusgan sa mga lokal nga kagamhanan labi na ang ilang population offices ang pakigbisog alang sa pagpanalipod sa mga hamtong ug kabatan-unan pinaagi sa pag plastar sa nagkadaiyang kalihukan tibuok tuig sulod sa rehiyon sa Caraga.

Gipasiugdan sa probinsya sa Surigao del Sur nga gipanguluhan ni Provincial Population Officer Joe Polinar ang kalihukan sa pagpang apud-apud sa mga Information, Education, and Communication kon IEC Materials sa ahensya ngadto sa mga Municipal Population Offices ubos sa iyang pag dumala. Napa-abot kaniadtong 3rd and 4th quarter sa tuig 2020 ang mga munisipyo sa Lanuza, Tago, La Paz, Bayabas, Cortez, San Miguel, ug Barobo ang house to house campaign aron maabot ang mga hamtong, kabatan-unan ug ginikanan aron makapa ambit sa saktong kaalam mahitungod sa Adolescent Heath, Sexuality and Development gamit ang mga flyers, booklets, ug instructional materials gikan sa ahensya.

Samtang, gisegundahan usab sa probinsya sa Dinagat Islands kaniadtong Oktubre 9 paingon 30 and pagpakaylap sa saktong impormasyon mahitungod teenage sexuality and behavior pinaagi sa pagpahigayon sa Sexually Healthy and Personally Empowered kon SHAPE Adolescents nga seminar sa 142 in-school ug out-school youths sa munisipyo sa Cagdianao ug San Jose.

Gipalapdan usab sa syudad sa Tandag ug Bislig ang Adolescent Health and Development Program sa ahensya sa pinaagi sa pagpang apud-apud ug fylers ngadto sa mga kabatan-unan sa manag laing barangay kon asa naka lingap ug 2,666 unique in-school youths.

Misaad usab si POPCOM Caraga Regional Director Alexander A. Makinano nga mas palapdan sa ahensya kauban ang pwersa sa mga lokal nga kagamhanan ang ilang pagpanalipod sa kaugmaon sa mga hantong ug kabatan-unan aron sa mas haruhay nga kaugmaon.