Ang Commission on Population and Development – Caraga nagpalapad sa kampanya aron mahatag ang impormasyon sa pagplano sa pamilya ug serbisyo pinaagi sa panagsabot niining sa mga pribadong kompanya aron sa pagpakaylap sa kasayuran ug serbisyo ngadto sa ilang mga trabahante ug kustomer

Gitarget sa ahensya kauban ang Department of Health Center for Health and Development Caraga ug Department of Labor and Employment ang katumanan sa pakigsabot niini sa SM City Butuan, Robinsons Place Butuan ug Gaisano aron sa pagtukod ug family planning wellness clinic alang sa ilang mga empleyado ug mga kustomer.

Kaniadtong Enero 15, 2021, nagpahigayon ug panagtigum ang ahensya ug ang DOH Caraga ngadto sa mga tigdumala sa SM City Butuan ug Robinsons Place Butuan aron sa pagplano sa itukod niini nga family planning wellness clinic alang sa mga empleyado niining buot musuway ug mugamit sa nagkadaiyang family planning commodities and services nga ihatag sa ahensya.

Gipahayag ni Coleen Pajayon, Marketing Manager sa SM City Butuan ang kahinam niini sa gipanday nga alyansa sa ahensya  ug gi suta ang kamahinungdanon niini sa pagminus sa kaso sa unwanted pregnancy sa ilang mga empleyado.

Karong tuig 2021, gi target sa POPCOM Caraga kauban ang mga kaabag nga ahensya ang pakigsangga niini sa mga pribadong kumpanya aron matuman ang mandato sa RPRH Act of 2021 nga masiguro ang katibuk-ang katungod ug pakig-abi sa sebisyong reproductive health labi na sa pag plano sa pamilya.