Gipalapdan sa Commission on Population and Development Caraga ang tahas niini nga mas palambuon ang matag hamtong ug kabatan-onan pinaagi sa pagpang apud-apud ug IT Equipment ug uban pang materyales alang sa pagtukod ug mga teen centers ngadto sa mga komunidad ug tulunghaan sa rehiyon.

Pinaagi sa usa ka pormal nga ceremonya kaniadtong Marso 4, gipahingusgan sa POPCOM Caraga ang pagtugoy niini nga mutabang sa mga lokal nga kagamhanan ug tulunghaan aron makahatag og saktong impormasyon ug serbisyo ngadto na sa mga kabatan-unan pinaagi sa pag panghatag ug sports equipment, desktop computers ug recreational materials sama sa chess ug scrabble sa mga napili niining mga benepesyaryo.

Ang mga musunod lakip sa nakadawat sa mga materyales gikan sa ahensya

          – Surigao City Youth Center

          – Bislig City Kamayo Teen Center

          – Local nga Kagamhanan sa Loreto, Probinsya sa Dinagat

          – Local nga Kagamhanan sa Buenavista, Probisya sa Agusan del Norte

          – Local nga Kagamhanan sa Jabonga

          – Agusan National High School – Senior High School

          – ug Angat Kabataan Teen Hub sa EG Montilla National High School

Ang mga nasangpit nga lokal nga kagamhanan ug tulunghaang o organisasyon nisaad nga mas palapdan pa nila ang ilang pagpaningkamot alang sa  pag amuma sa mga hamtong ug kabatan-unan pinaagi sa pagpagamit kanila sa paga-ablihong Community-Based Teen Centers.

Mamahimo usab nga one-stop shop sa mga batan-ong gusto makabaton ug dugang impormasyon ug serbisyo ang pagatukoron nga teen centers aron mas palig-unon niini ang kahanas ug talento sa matag kabatan-onan alang sa mas landag nga kaugmaon nila ug sa ilang pamilya.

Misalmot sa gipahigayong simultaneous online and on-site turnover of equipment ug pagpirma sa memorandum of understanding si POPCOM Caraga Regional Director Alexander A. Makinano, Municipal Mayor sa Jabonga, Hon. Napoleon Montero, Principal sa Agusan National High School, Mr. Ruel Gabor, SK Federation President sa lungsod sa Buenavista, Hon. Kariza Mae Simblante, SSG Adviser sa Angat Kabataan EG Montilla National High School, Mr. Donn Nangcas ug mitambong usab pinaagi online si Bislig City Mayor Hon. Florencio Garay.