Ang Commission on Population and Development Caraga gipalapdan ang kampanya sa mga programa niini pinaagi sa pakig tambayayong sa mga Civil Society ug Faith Based nga mga Organization aron mapa abot sa mga katilingban ang impormasyon ug sebisyo mahitungod Responsible Parenthood – Family Planning, ug Adolescent Health and Development.

Ang POPCOM Caraga gihimong pormal ang pakig-alayon niini sa Sibog Katawhan alang sa Paglambo kon SIKAP, Friendship Goals Society Caraga, ug Hope Radio Philippines Butuan pinaagi sa usa ka lagda sa Memorandum of Understanding kaniadtong Enero 28, 2021

Gisutang mahimong mapalapdan sa gihimong MOU signing taliwala sa POPCOM ug mga laing organisasyon ang tinguha niini nga mapatas-an ang ihap sa demand generation pinaagi sa pagpahigayon ug seminiars, orientation, house to house ug person to person campaign ngadto sa mga komunidad.

Lakip nga madawat sa mga kaabag nga mga organisasyon ang reimbursement nga makuha human sa ilang ipahigayong aktibidades kalabot sa mga programa sa ahensya. 1. Couples/individuals with unmet need for modern family planning, 600 pesos. Traditional user without intention to use modern family planning, 300 pesos. Undecided couples/individuals, 200 pesos. Couples/individuals with no method used, 200 pesos. Current users, 100 pesos, ug Pre-Marriage Orientation and Counseling, 15 pesos per couple.

Aduna usab madawatan nga 300 pesos kada aktibidades mahitungod sa Adolescent Health and Development Program ang mga organization pinaagi sa pagpasa sa mga musunod. AHD Reporting forms, 15-20 adolescents in attendance, photo documentation ug activity reports.

Mitambong sa gipahigayong signing si POPCOM Caraga Regional Director Alexander A. Makinano, SIKAP Executive Director, Ms. Christine Ampon, HOPE Radio Butuan Station Manager nga si Pastor Eugenio Cubelo Jr. ug Frienship Goals Society President nga si Ronald Lisayan

Gi-awhag ni Regional Director Alexander Makinano ang uban Civil Society Organizations nga makig-alyansa sa Commission aron mapalapdan ang maabot sa mga programa niini ug malakop matag indibidwal ug pamilya