Ang Commission on Population and Development Caraga nagtinguha nga itudlo ang teknolohiya sa pagdumala sa mga  programa ug proyekto sa bisan unsang pandemiya lakip ang COVID-19 pinaagi sa Demographic Vulnerability Tools ug Registry of Barangay Inhabitants and Migrants.

Sa bag-ohay nga gipahigayon  nga Regional Population Management Conference gipadayag sa Resolution No. 45-F sa Regional Development Council ang paggamit sa Registry of Barangay Inhabitants and Migrants (RBIM) sa tukma nga tala sa mga resettlers sa particular nga eryas sa mga lokal nga kagamhanan nga maoy responde sa pandemya.

Si POPCOM Deputy Executive Director Lolito R. Tacardon nananawagan sa mga population workers sa paggamit sa Demographic Vulnerability Tools (DVT) sa paghatag sukdanan sa mga at-risk nga komunidad ug panimalay sa COVID nga mando sa Joint Memorandum Circular of the Department of Health, Department of Interior and Local Government, National Economic and Development Authority, and the Commission on Population and Development.

Gidugang ni Director Tacardon sa pagpahibalo sa mga population workers sa Caraga nga mamahimong digitalized ang demographic characteristics sa populasyon sa ilang tagsa-tagsa ka mga dapit gamit ang Geographic Information System.