Ang Commission on Population and Development – Caraga hugot nga nag implementar sa Registry of Barangay Inhabitants and Migrants kon RBIM sa 25 ka mga barangay sa Buenavista, Agusan del Norte human sa 3 ka batch nga workshop kaniadtong Enero 27 paingon 29 mahitungod sa Data Encoding ug Processing sa gipahigayong profiling.

64 ka mga opisyal sa Sangguniang Kabataan, Barangay Secretaries, ug Community Development Workers ang nakasalmot sa gipahigayong workshop kon asa gitinguha nga mabansay nila ang gamitong software aron sa data gathering and processing sa mga na profile alang sa RBIM. Mitambong usab si POPCOM Caraga Regional Director Alexander Makinano kon asa iyang gipa-ambit ang ideya niya mahitungod sa ka importansya sa Registry of Barangay Inhabitans and Migrants profiling sa panahon sa pandemya.

Ang Registry of Barangay Inhabitans and Migrants kon RBIM usa ka mekanismo nga masubay ang kaso ug datus sa internal migration aron usab magamit sa development planning and policy formulation. Lakip sa sukaranan nga impormasyon nga mapa ambit sa RBIM ang Migration Data, Health indicators, Employment Variables ug Household information.

Gitinguha sa commission nga mahuman ang profiling ug encoding sa mga datus sa RBIM sa dakbayan sa Butuan ug kasikbit niini nga munisipyo, ang Buenavista karong unang gutlo sa tuig 2021 ug nagpaabot usab sa uban syudad ug munisipyo sa caraga nga makig abag sa ahensya aron sa pag implementar sa ilang kaugalingong RBIM profiling alang sa dugang impormasyon sa health and migration.