Ang lokal nga kagamhanan sa Tandag nagorganisa og City Implementation Team (CIT) para sa hugtanong pagpatuman sa Responsible Parenthood and Reproductive Health Law ngadto sa mga komunidad.

Pinasubay sa Executive Order No. 018 permado ni City Mayor Roxanne C. Pimentel, nga mao usab nangulo sa CIT, uban ang naglangkub nga sila Dr. Ruth Arraz, City’s Health Officer sa dakbayan, ug ang mga SP on Health, Gender & Family / Human Rights, presidente sa Liga ng Barangay, Population Management Division, Nutrition Division, Social Welfare and Development Office, Federation of Barangay Health Workers ug Barangay Population Volunteers.

Ang Executive Order nagkinahanglan sa koponan magkoordinar sa pagimplementar sa RPRH Law, magpasiugda ug kanunayong pag-apil sa mga committee meeting pahitungod sa RPRH Law, Pagmugna ug paghatag ug mga kalabutan nga impormasyon, pagmonitor ug pagbantay sa pagimplementar sa palisiya, pamaagi, kasabutan, ug mando sa RPRH Law.

Ang Commission on Population and Development Caraga Regional Director Alexander Makinano nalipay sa inisiyatiba sa pagmugna sa grupo sa hugot nga pagimplementar sa RPRH law ngadto sa komunidad. Dugang pa niya, ang Commission magpadayun sa pagpanghatag ug teknikal ug pinansyal nga suporta sa tanan lokal nga kagamhanan sa pagpahimutang sa balaod.