Ang rehiyonal na buhatan sa Commission on Population and Development kon POPCOM nagpadayon sa pagpatuman sa mga programang Responsible Parenthood and Family Planning o RPFP ug Adolescent Health and Development o AHDP sa tibuok rehiyon isip kontribusyon sa pagpalambo sa himsog ug luwas nga pamilya. 

Ang mga lokal nga kagamahan pinaagi sa ilang population ug health nga mga buhatan aktibong nagpahigayon sa nagkalain-laing demand generation activities sa RPFP gikan Enero ngadto sa Mayo karong tuiga. Gikataho nga adunay 29,048 ka indibidwal nga anaa sa reproductive age ang naabot niini. Diin ang mga probinsya sa Surigao del Norte nga naay 2,772 ug Surigao del Sur nga naay 2,751 ang daghang gipahigayon nga kalihokan sa RPFP sa Caraga. Samtang ang mga lungsod sa Butuan nga adunay 4,265 nga gisundan sa Tandag nga naay 493 nagpahigayon sa mga kalihokan sa matag komunidad. 

Sa laing bahin, ang programang AHD nakakab-ot usab og 5, 179 ka mga kabatan-onan, 2, 091 ginikanan, 302 magtutudlo, ug 1,081 hamtong nga mga indibidwal gikan Enero ngadto sa Hunyo karong tuiga. Ang mga probinsya sa Agusan del Sur nga adunay 1,813 ug Surigao del Sur nga naay 1,274.  Samtang ang syudad sa Tandag nga naay 1,067 ug syudad Surigao nga adunay 397 aktibong gipahigayon ang mga kalihokan sa AHDP sa rehiyon. 

Ang POPCOM-Caraga padayon ang paghatag og logistikal ug financial nga suporta sa mga lokal nga kagamhanan alang sa pagpasiugda sa mga programang RPFP ug AHD. Tinguha sa buhatan nga mapaambit ngadto sa mga Caraganon nga pinaagi sa saktong impormasyon ug serbisyo sa RPFP makadangat og hapsay, haruhay nga pamilya. Alang usab sa mga kabatan-onan nga makabaton og ensaktong impormasyon mahitungod sa sexual ug reproductive health ug mga pamaagi aron malikayan ang dili planado ug ang sayong pagbuntis, ug dili usa masundan ang pagpanganak sa mga batan-ong inahan.