Ang Commission on Population and Development Caraga, misuporta sa kasaulogan sa National Statistics Month karong buwan sa Oktubre aron mapadayon ang pagkaylap sa saktong datos, hilabi na sa nasudnong populasyon isip basehan sa pagmugna ug mga pangkalambuang programa.

Sa tema karong tuiga, “NSM@32: Revving Up for Economic and Social Recovery Through Evidence-Based Policies,giawhag ang tanan ahensya sa gobyerno ug pribadong sektor sa pakig timbayayong aron maplano ang pag rekober sa ekonomiya sa nasud human sa nasinating COVID-19 pandemic pinaagi sa pag buhat ug implementar sa mga evidence based policies.

Ang National Statistics Month, matag tuig ginasaulog sa tibuok nasod ilawom sa Presidential Proclamation No. 647, “Declaring the Month of October Each Year as National Statistics Month.” Ang National Statistics Month, adunay katuyuan nga ituboy, mapalambo ug makabaton ug kahibalo ang mga katawhan sa importansya sa statistics ug pag awhag nga padayon ang pagsuporta sa publiko aron mapalambo ang statistical quality ug standards sa nasod.