Ang Commission on Population and Development (POPCOM)-Caraga gipalig-on ang koordinasyon sa ubang ahensya sa gobyerno aron mahatagan ug kalidad nga serbisyo ug impormasyon sa Responsible Parenthood ug Family Planning ug Adolescent Health and Development (AHD) ang Balik Probinsya- Bagong Pagasa Program beneficiaries.

Ang ahensya nagpadayon sa paghatag ug impormasyon ug serbisyo taliwala sa pandemya pinaagi sa pagpabiling lig-on sa paghatag sa mga Pilipino sa mga estratehiya sa kalamboan. Gisiguro usab sa opisina ang walay hunong nga paglunsad ug pag-access sa moderno nga pagplano sa pamilya ug mga serbisyo sa AHD sa pakig-koordinasyon sa mga lokal nga gobyerno.

Ubos sa Special Balik Probinsya, Bagong Pag-asa (BP2) Program Committee sa Caraga Regional Developement Council ang paghatag sa alternatibong trabaho ug long-term nga mga kapilian sa pagpuyo alang niadtong mamauli sa ilang kaugalingong probinsiya.

Usa ka miting sa koordinasyon nga gitambongan sa lainlaing mga nasyonal nga ahensya ug mga opisina sa gobyerno apil ang POPCOM-Caraga kaniadtong Oktubre 19 aron masiguro nga mahatagan ang Balik-Probinsya nga taga-Caraga nga adunay angay ug dali nga tabang.

Sa usa ka report nga gihatag 88 ka mga Caraganon ang gikatakda nga mobiyahe balik sa rehiyon karong Oktubre.