Ang Commission on Population and Development-Caraga hugot nga nangandam sa himuong akreditasyon sa ISO 9001: QMS aron mapadayon ang maayong kalidad nga serbisyo.

Ang mga ISO ad hoc nga komite apil ang mga QMS Process Owners, nagpadayon sa pagpaayo sa manwal sa mga process and work instruction ug uban pang dokumento sa QMS.

Ang tanan nga mga kawani usab sa POPCOM-Caraga miapil sa online orientation bahin sa pagpaila sa ISO 9001: 2015 sa Oktubre 15 nga gipadumalaan sa Worldwide Quality Assessment (WQA), usa ka third-party nga gasusi sa ug gahatag sa ISO nga sertipikasyon.

Mahitabo ang pinakauna nga online audit sa POPCOM sa aplikasyon niini nga ISO 9001: 2015 – Quality Management Systems (QMS) karong Nobyembre 5. Kini nga QMS mao ang internasyonal nga sukaranan aron sa makanunayon nga paghatag sa saktong produkto ug maayong serbisyo sa katawhan.

Ang nasangpit nga sertipikasyon subay usab sa Executive Order 605. S. 2007 nga nagkinahanglan sa tanan nga ahensya sa gobyerno magsunod sa ISO 9001 QMS isip bahin sa kalidad nga pagdumala sa gobyerno.

Samtang, ang Central Office usab Komisyon sa Populasyon nakuha na ang ISO 9001: 2015 Certification kaniadtong 2018. Kini usa ka pamatuod sa pagpadayon sa ahensya sa iyang tumong nga matabangan ang mga pamilyang Pilipino nga makab-ot ang labing maayo nga kalidad sa kinabuhi. Giingon usab nga padayun sa pagpamuhat ang opisina alang sa pagkuha sa parehas nga sertipikasyon karong tuig.