Ang Commission on Population and Development (POPCOM)-Caraga gisiguro nga ang kasayuran ug serbisyo maabot sa mga benepisyaryo sa Pantawid Pamilya, ug sa tanan Caraganon taliwala niining pandemya pinaagi sa paggamit sa mga sa online ug social media.

Si Alexander Makinano, POPCOM-RD, mihatag og importanteng punto kaniadtong Oktubre 22 sa DRRM Radio 98.7 Station alang sa tanang benepisyaryo sa Pantawid Pamilya sa LGU Talacogon ug silingang mga dapit.

Usa sa nahisgutan ang Responsible Parenthood ug Family Planning nga programa nagtumong sa pagtabang sa mga magtiayon/ginikanan nga magamit ang responsableng pagkaginikanan aron makab-ot ang ilang gitinguha nga gidaghanon, timing, ug spacing sa ilang mga anak, ug makatampo sa pagpalambo sa maternal, neonatal ug child health, ug nutrisyon.

Dugang pa, ang opisina sa rehiyon nagmintinar sa mga bag-ong plataporma aron padayon nga magpahibalo sa mga kliyente ug mga kauban sa programa. Ang buhatan regular nga nagpahigayon sa ilang POPCOM Virtual Academy nga gisibya matag Lunes ug Miyerkules sa alas 10:00 ngadto sa 11:00 sa buntag, AHD School On-Air matag Biyernes ug POPCOM On-Air nga gisibya sa tulo ka lain-laing estasyon sa radyo sa Butuan.

Ang Opisyal nga website ug Facebook page niini naghatag usab og pinakabag-o nga impormasyon sa mga inisyatibo sa populasyon ug mga serbisyo sa ahensya.