Aron masiguro ang padayon nga suporta sa mga lokal nga kagamhanan sa pagpahaum sa mga programa kalabot sa population and development, ang Commission on Population and Development – Caraga Region magpahigayon ug 2022 2nd Quarter Regional Population and Development Conference (RPDC) karong Hunyo 15, 2022.

Muapil sa maong kalihukan ang mga Provincial Population Officers, Municipal Population Officers, Municipal Social Welfare and Development Officers, Nutrition Action Officers ug Pantawid Pamilya Field Officers sa tanang lokal nga kagamhanan sa rehiyon.

Matud ni Regional Director Alexander A. Makinano, ang nasangpit nga kalihukan ipahigayun tungud kay ang mga lokal nga kagamhanan naay importante nga bahin sa pagpatuman sa mga estratehiya sa Philippine Population and Development Program (PPDP). Ang mga LGUs mao ang magpaluyo sa mga serbisyo ug mga interbensyon kalabot sa pagdumala sa populasyon ilalum sa Devolution Transition Plan.